Nimin khan Saikuti Hall-ah Food Safety and Standards Act 2006 chungchang dawrkai/sumdawng te hnena in hrilhhriatna hun hman a ni a, kan hlawkpui ngeiin a rinawm.
Mizoram hi kan la vannei em em a, pe eisual/bekang eisual tih loh chu thlai thianghlim tawklo tih thawm a la vang hle, a chhan lianber chu keimahni thlaithar ngei kan la eitam zawk vang tepawh a ni mahna. Ramdang hmun thenkhatah chuan thlai hrisello eivanga natna tawkte leh an chunga thihna hial thleng tate an awm nuk mai a, heivang hian dawrkai/sumdawngten mipuite hnena kan thil zawrh ei leh in chi reng reng chu a thianghlim ngei a ni tih hriatchauh kan eiin a pawimawh hle.
Sum duh vanga mahni pawhin kan eithat ngamloh khawpa thianghlim lo zuar kan awm palh hlauh chuan sorkar hremna kan pumpelh dawn hauh lo a ni. Hotel atanga Eichawp dawrte thleng mipuite chunga mawhphurtu kan ni a, sorkarin dan a siamte zawm kan tum hram hram a pawimawh hle mai. Miin an leiduh a lawm tih vang ringawta thlai hlui tawh tih thar leh nana damdawi hmante hi a hlauhawm em em a ni tih hria ang u.
Thuneitu lam pawh hian ei leh in chungchangah thil zuartute hi ken ensan lohva, a tul dan ang zela hma lan lakpui pawh a pawimawh a, mipuite tan a hlauhawm em tih thlenga tuna ruahmanna siam ringawt lo hian a tak taka hmalakpui a ngai a ni, hei hi vengkhat himna mai a nilo, rampum huapa himna leh damna a ni zawk.
0 comments:
Post a Comment