Michael Keane in Everton pan ta

Manchester United academy chhuak kum 24 mi Michael Keane chuan Burnley atangin Everton a pan ta a, Everton hian he defender hi £30million laiin an lei. He English centre-back hian kum 5 chhung atan Everton-ah contract a ziak a, season thar atan Everton chuan player an lakhawm ta nual mai. Keane chuan, "A hmasa berah chuan Everton ka zawm chhan chu manager vang hi a ni. A inkhelh

laiin ka position angah a khel a, Barcelona leh Holland tan inlanin World-Class player a ni, chutianga player tha ni thinin min duh hi ka lawm a ni. "Manchester United zawm leh chu ka duhthusam a ni thin, a chhan chu ka naupan laia ka club a ni a, mahse chung rilru chu hawisan a ngai, mahni tana tha ber tur ngaihtuah a ngai a ni. "Hmasawn zel ka duh, tunah hian kum 24 mi ka la ni, ka la naupang hle, hetiang ema min duhna hi Everton ka panchhan ber a ni e," tiin a sawi. Keane hian United-ah a naupan lai hun a hmang a, Leicester City, Derby County, Blackburn Rovers leh Burnley-ah te loan-in a khel kual. 2015 khan Burnley chuan a nghetin an lalut a, Koeman chuan Everton-ah a seng lut ta a ni.