Nimin Dt.7th July 2017 (Zirtawpni) hi Mizo Hnam Pa, MNF Founder President ni bawk Pu Laldenga (1927-1990) thih champha kum 27-na a nih avangin MNF Sub-Headquarters Lunglei Mizo Hnam Run-ah Mizo Hnam Pa hriatrengna leh sunna hun hman a ni. He hunah hian MNF Sub-headquarters Lunglei Vice President Pu F.Lalsawmkima, Treasurer Dr K.Pachhunga leh Pu H.Thangrenga NEM ten Pu Laldenga ropui zia leh Mizoram leh hnam tana a hlut zia te, Mizo Hnam tana a inpekna te Party mipuite hmaah an puangchhuak nawn leh a ni. Mizo Hnam Pa, Pu Laldenga ruang chunga India ram hruaitute ropuite thusawi thenkhat :
1.India a awm chhung chuan Laldenga hi kan theihnghilh tawh lovang.- Rajiv Gandhi. (Ex-Prime Minister)
2. Mizo Hmeichhia te hian Laldenga ang hi an hring nawn tawh lovang.- George Fernandez (Ex-Union Minister)
3. Laldenga hi pawn lama kan inkawm chuan thuro anga nunnemin a nui heuh heuh a. Sawrkar aiawha kan inbiak chuan sakei huai ang a ni leh si. - Choudhury Charan Singh (Ex-Union Home Minister)
Mizo Hnam Pa Laldenga (1927-1990), i thih champha a lo thlen hian Mizoram leh Hnam tana i inpekna leh ram leh hnam hmangaihna thinlung Nationalism Zofate thinlunga i lo tuh hi ropui kan ti tak zet a. Chhuan lo la awm leh zel turte tana i hnathawh hi Zofaten kan theihnghilh ngai dawn lova. I hmabak chhunzawm zel turin MNF Sub-Headquarters Lunglei te chu kan inhlan thar leh a ni. Mizoram leh Hnam a din chhung chuan i hming hi Zofaten ka theihnghilh ngai dawn lo a ni.
0 comments:
Post a Comment