Mizoram FCI ah buhfai \hahnem

State  Consultative  Committee  on  FCI  Chairman,  Rajya Sabha MP Pu Ronald  Sapa Tlau-in  Mizoram-a  FCI kudam-ah  buhfai  dah khawl a  \hat  thawkhat  thu sawiin  metric ton 11,301 a awm mek, a ti. State Consultative Committee on FCI hi nimin khan Aijal Club-ah  an Chairman Pu Ronald  Sapa Tlau  kaihhruaiin an  \hukhawm  a; an  thu\khawm  zawhah  Chairman  hian  chanchin  thar  thehdarhtute kawmin  “FCI  hian  Mizoramah  buhfai  metric  ton  25,490 a chhêk khawl  thei  a,  tunah  hian  buhfai  metric  ton  11,301  chhek  khawl sa a nei mek a, metric ton 1,600 rawn phur chhoh leh mek a ni” a ti. Pu  Ronald  Sapa  Tlau  hian,  thla  hlui  ni  28  khan  Ministry  of
Consumer  Affairs,  Food  and  Public  Distribution  chuan  Mizoram  tan buhfai  metric  ton  7,000  pek  belhna  tur  thupek  a  siam  tih  a sawi. Hei  hi  Mizo  mipuite tan  thu  lawmawm  tak  a  nih  rualin  buhfai phurhna tur truck  hman  thu-ah  buaina  a  awm thu sawiin, Mizoram Truck  Owners’  Association chuan  state  dang  truck  hman  phal  loin buhfai phurh  hna  chu  an  Keipui  sa  hauh  bur, a  ti.  State  dang truck-te  pawh  hman  a  nih  theih  nana  kawng  zawng  turin  Supply Deptt. ngen an ni a, an kutah a innghat, a ti. Rajya Sabha  MP  chuan  Ramrikawna  FCI  Kudam sawn  chhuah tuma  hma  an lak  reng thu leh  vawiina an meeting-ah pawh  hmalak zel  dan  tur  an  ngaihtuah  tih  a  sawi  a.  Supply department-in Sairang  Dinthar-a kudam  tura ram an pek chu FCI  thuneituten  an pawm  theih nan nawr mek  a nih  thu  leh  an  nawr  hlawhtlin ngei a beisei thu a sawi.