Nimin khan MZP Hqrs Lunglei hruaitute chuan SBI Lunglei Branch, Manager kawmin Education loan leh Minimum Account Balance (MAB) chungchang an sawipui. SBI lam chuan Education loan hi loan chhia, (rulh that loh) a tam avangin an hotuten pek chhuah an rem tih tawh hrihloh thu MZP hruaitute hi an hrilh a, hetiang anih vang hian a rul tha thei tur leh pek awm ngawih ngawihte an pe chhuak thei tawhlo chu pawi an tih thu sawiin hemi kawnga hmalak pui turin MZP hruatute an sawm. Hei bakah hian bank kalphung tharah chuan bank account ah Rs 2000/- (Semi- Urban Area) tal a awm a ngai a, zirlai tam tak thawhchhuah neilo ten harsatna an tawh phah thu MZP hruaitute hian sawi langin Scho. lak nan bank account neih ngei angaih avang zirlaite tan a hman tangkai turin MAB ngailo in Tiny Account (Rs.0 Balnace) hawn theih a nih thu an sawi.
***
Mizoram Congress Party President leh Chief Minister ni bawkin “Kei leh ka thawhpuite Corruption-ah kan fihlim” ti reng chung si leh “Corruption, a zung nen kan phawi ang a, kan phoro ang” tia Zoram mipui hmaah vawi tam a au dum dum laiin Corruption-a an fihlim loh zia chu a kum telin hailan a ni chho mek zel ni berin a lang. BJP Mizoram Pradesh-in Chief Minister, Minister leh MLA, an vaiin mi 8 te sum neih pung chak lutuk nia ngaia chhuichiang tura ACB-a FIR an thehlut hi MNF Sub-Hqrs Lunglei chuan awm kan tiin, kan thlawp tlat a ni. Congress Minister leh MLA ten hun reilote chhunga in leh lo ropui tak tak an din thei leh, Lirthei changkang ber ber, awlsam taka an nei zung zung theih mai bakah, sum an hailuh dan hi Zoram mipuite hian an hai lo a ni an ti bawk.
***
Kiddy Lalramchhana s/o K. Liantuala, Dawrpui Jail Veng chu ni 15.6.2017 Inrinni zan atangin a haw tawh lo a. Amah hi ngo lam deuh, 5"6 vela sang, hmuh hnuhnun a nih lai hian kekawr bul dum leh T. Shirt grey colour a ha a ni. Amah hi lo hmu emaw chuan Police Station hnai ber emaw heng phone no... 9862399954, 9436142589, 9436153078 ah hian hriattir tura ngen kan ni. Dawrpui mibo hi thawhleh tlai lam khan lengpui ramah amah ni awm tak hmu an awm avangin Lengpui ramah leh Seri. ramah zawn a ni a, mibo zawngtute tan Lengpui khawtlangin zanriah an buatsaih a ni. Chanchin buatsaih lai thleng hian hmuh a la ni lo.
***
Mizoram Sawrkara Horticulture Department hnuaiah Horticulture Extension Officer (Grade V of MHS) hna panga (5) a ruak a. Dilna form hi Mizoram Public Service Commission (MPSC) office, New Secretariat Complex, Aizawl leh District hrang hranga Deputy Commissioner Office-ah te ni 18.8.2017 thlengin office kai ni zing dar 10 atanga tlai dar 3 chhungin lak chhuah leh thehluh theih a ni. Advertisement leh syllabus-te hi MPSC tah hian click rawh ah en theih a ni.
***
Mizoram sorkara DP & AR chuan tun hnai khan MCS Officers, Junior Administrative Grade te awmna a siksawi a, Planning and Taxation Deptt. a Dy Secretary nilai Benjamin Lalzama chu Addl. DC Lunglei a awm tura tih a ni. MCS officer te awmna siksawi zingah hian Mamit Addl. DC Pu H.Lianzela chu, Dy Secretary Planning & Taxation deptt. ah awmin, Champhai DRDA Project Director Pu C.Lalchhuangkima chu Dy Secretary Rural Devolpment Deptt. ah a awm ang a, Pu Jacob Lalawmpuia, Dy Resident Commissioner, Shillong chu Addl. DC Mamit-ah awmin, Pi Lalsangpuii Hmar chu Champhai Addl. DC ah a awm ang a, RD Deptt. a Dy Secretary nilai Pu Chuahnuna chu Addl. DC Serchhip ah a awm thung dawn a ni.
0 comments:
Post a Comment