Southampton manager thar Mauricio Pellegrino

Claude Puel an ban hnuah Southampton chuan Mauricio Pellegrino chu manager thar atan an lalut ta a, Pellegrino  hian Alaves atangin Saints hi a zawm ta a ni.Pellegrino  hi May thla khan Alaves chuan an chhawr tan a, season liamta khan La Liga-ah pakuana a nihpui a ni. "Ka duh dan leh he club kalphung hi a inmil em em a, match-ah hnehtu nih ka duh a, team-teah thawhhona tha a awm theih nan theihtawp chhuah ka duh a, ka phur hle tawh a ni," tiin Pellegrino  chuan a sawi a, kum 3 atan Saints-ah hian contract a ziak a ni. Southampton vice-chairman Les Reed chuan, "A finna hian min hneh a, mi a fuih phur thiamna leh a theihna hi kan duhna chu a ni," tiin Liverpool defender hlui Pellegrino chungchang a sawi.