Area Level Federation (ALF) 4 din a ni

DAY-NULM kaihruaina angin khawpui chhunga mirethei pawl (SHG) te ni nimin khan Convention Centre ah DUDO Office a thawk tuten kokhawmin Area Level Federation (ALF) din a ni. He Area Level Federation (ALF) dinna hun hi nilengin DUDO Office a thawk te leh mithiam (Specialist) ten Self Help Group te hi an neihpui. Lunglei khawpui chhungah Area Level Federation (ALF) hi tun dinhmunah chuan 4 din phawt a ni a, ballot paper hmangin Self Help Group (SHG) ten vote an thlak a, anmahni aiawh an thlang chhuak a ni. He hunah hian Self Help Group (SHG) member 200 vel zet an kalkhawm a ni. National Urban Livelihood Mission Guidelines ang chuan Self Help Group (SHG) 10-20 hian Area Level Federation (ALF) 1 zel an din thei a, Area Level Federation (ALF) hrang hrang kalkhawm te chuan khawpui 1 tan City Level Federation (CLF) an din leh dawn a ni. He City Level Federation (CLF) hi din a nih hunah chuan Lunglei khawpui chhunga mirethei te a khaikhawm vek tawh dawn a ni. He Area Level Federation (ALF) dinna programme ah hian Area Level Federation (ALF) chungchuang awarnes campaign Self Help Group (SHG) te hnenah neih nghal a ni a, Pu Benjamin Lalremsanga Manager SD&I in Self Help Group (SHG) kalkhawmte zirtirna a pe nghal bawk a ni.