Planning Minister Pu Lalsawta’n vawiin hian I&PR Auditorium, Aizawl-ah Mizoram State Entrepreneurship Development Monitoring Comtt. (MEDMOC), Government of Mizoram leh IIM Calcutta Innovation park (IIMCIP) tang dun hmalakna pawimawh tak, Mizoram-a awmze nei zawk leh zau zawka sumdawnna kalpui anih theihna tur programme “Mizoram Kailawn” chu a hawng dawn a, he programme hnuaiah hian a vawikhatna atan Mizoramah Business Plan Contest leh Entrepreneurship Summit neih a ni ang. Mizoram sawrkar chuan Entrepreneurship lama hmasawnna chuan thalaite eizawnna kawng thar leh tha zawk athlen thei ani tih hria in New economic development Policy hnuaiah MEDMOC a din a, Entrepreneurship lama tui thalaite tan kawng a hawn sak dawn bakah an bul tanna tur thlengin a ngaihtuahsak dawn a, “Mizoram Kailawn” kaltlang hian Mizoram chhung ngeiah entrepreneurship hmasawn tir a tum a ni.
MEDMOC hi 25.10.2016 khan NEDP hnuaiah din a ni a, a tum ber chu Entrepreneurship development Scheme (EDS) kalpui niin Chief Secretary kaihhruaina hnuaiah Planning & Progr. Implementation Deptt, Commerce & Industries Department leh Higher&Technical Department hotute an tel a, non-official expert member 3 an tel bawk. Vawiina “Mizoram Kailawn” hawnna neih anih zawh hian IIM, Calcutta atanga mithiam lo kal te leh chanchinbumite’n inkawmhona an nei ang.
0 comments:
Post a Comment