Nimin khan Irrigation & Water Resources Chief Engineer's Comtt. Room ah Mizoram sawrkar leh Japan International Cooperation Agency (JICA) te thawhhona tur Technical Cooperation Project "The Project on Capacity Enhancement for Sustainable Agriculture & Irrigation Development in Mizoram" kick-off meeting neih a ni a, JICA Team leh Line Deptt hrang hrang I&WR Deptt, Agriculture Deptt, Horticulture Deptt leh land Resources, Soil & Water Conservation Deptt te he meeting ah hian an tel a, JICA Team hi Chief Advisor Shigeki Yamaoka hovin mi pali an ni. He project hi ei leh bar a Mizoram a intodelh theihna tura JICA in Master Plan a lo siam tawh tihhlawhtlinna atana hmalakna a ni a, October ni 26, 2016 khan inremna "Record of Discussions" pawh Mizoram sawrkar aiawhin Pu Lalmalsawma, Chief Secretary leh JICA aiawhin Pu Takema Sakamaoto ten an lo ziak tawh a ni. He Technical Cooperation Project hi kum 5 (July 2017 - June 2022) chhung awh tur a ni a, he Project in a tum ber chu Mizoram sawrkar hnathawkte hnena ei leh bar a intodelhna tur a hmalakna atana tangkai thiamna hlanchhawn a ni a, he project kalpui na tur atan hian Mizoram chhunga Rural Development Block pali - Bilkhawthlir (Kolasib District), Aibawk (Aizawl District). Serchhip (serchhip District) leh Champhai (Champhai District) te thlan a ni.
Social Profiles
0 comments:
Post a Comment