Lunglei 5th July, 2017 :: Rampumah Chhiah lakna dan thar Goods & Services Tax hman anih tak avangin Mizoram pawh GST Commissionerate in a thutchilh nghal a, Commissioner Songate, IRS in a thutchilh a, staff 50 vel an awm a ni.
He commissionerate hnuaiah hian Mizoram chu range 5 ah then a ni a, Aizaw l 1 leh 2, Aizawl 1 hnuaiah Kolasib Dist leh Aizawl 2 hnuaiah Mamit dist a awm a, Lunglei a ni leh a, Lunglei hian Serchhip Dist a huam ang a, Champhai awm lehin Lawngtlaia awm bawk a, Lawngtlai hian Saiha dist a bial tel bawk ang. GST lak anih takah chuan, tunhmaa chhiah hrang hrang awm duah thin kha hlawm hnihah an luang khawm tawh dawn a, hemi avang hian tihdan phung hrang hrang sumdawnna leh mipui ei leh in, thillei thlengin a nghawng dawn a, thil man pawh a tlawm sawt tura ngaih a ni. Dy Commissioner Lalhmingmawia Ralte chuan thil a tlawm chuang lova ngaihna mipui zingah an awm chu thil hriat tawk loh vang a ni a ti a, bungraw then khat chu to deuh hlek mahse, mipuiin an hman nawlpui erawh a tlawm dawn ngei a ni a ti. GST chu a lan dan chuan tha viau tura ngaih a ni tih sawiin, Mizoramin chhiah atanga sum a lakluh chu pung viau tura ngaih a ni a, Service tax avang ringawt pawhin, revenue chu pung thur tura ngaih a ni a ti a, Mizoram state ang, thil siamchhuah nei ve lo, ei ral ringawt tan phei chuan a tha hle tura ngaih a ni a ti bawk. Pu Lalhmingmawia chuan, GST hnuaiah ramchhungah tax inanga pek anih tawh dawn avangin, state dang a bungrua te a tlaw m em em tawh bik dawn lo tih sawiin, Mizoram mipuite chuan, Mizora ma lakluh bungrua ngei an lei a tha a, hetiang hian Mizoram sorkar sum bawmah eng emaw zat an thawh ve dawn a ni a ti bawk.
0 comments:
Post a Comment