MDTC KVI Complex ah ST girls hostel hawng

Nimin khan Social Welfare Deptt changtu Parlia. Secretary Pu K.Lalrinthanga chuan MDTC (Multi Discipline Training  Centre) KVI Complex Zemabawkah ST Girls Hostel Building sak thar a hawng. Pu K. Lalrinthanga chuan mi tam takin eizawnna ngelnghet an neih theihna tura training na hmun MDTC KVI Complex ah hmeichhia hmun dang a\anga rawn training te chenna tur Hostel Building \ha tak sak a ni chu lawmawm a ti a, Training turte pawhin sawrkar hmalakna nena inmil nakin zela eizawnna atana hman tlak tur thiamthil (skill) an thlan thiam a pawimawh a ni, a ti. Parlia. Secretary chuan Hostel building thar chu \angkai taka hmanga uluk taka enkawl turin KVI hotute leh zirlaite chu a chah. Pu K. Lianzuala Mizoram KVI Board Chairman chuan MDTC chu Mizorama skill development training centre kan neih \hat berte zinga mi a ni a, tam takin thiamna an zirchhuahna hmun a ni, a ti. Pu K. Lianzuala chuan KVI Board Zemabawk atangin mi 1348 an training chhuah tawh thu leh tunah  discipline/skill 8-ah training an pek mek thu a sawi. ST Girls Hostel Building hi 894.5sqm a zau niin chhawng 4 a sang a ni a, Dormitory 4 awmin khum 52 leng tura ruahman a ni. June 2017-a sak zawh ST Girls Hostel MDTC, Zemabawk hi NECS sak a ni. Ministry Of Tribal Affairs, Gov’t of India in Tribal Hostel Scheme a neih a\angin Social Welfare Deptt kaltlangin Project hi siam a ni a, building sak nan hian ` nuai 364.41 hman niin 100% Central Funding a ni.