Jackie chan hringnun thenkhat

Chinese Kungfu film star Jackie Chan hi kum 1954 April ni 7 khan Western District, Hong Kong-ah a lo piang a, film star hlawlting tak a ni a, a sum neih hi USD 400 million vel a ni tawh a ni. Jackie Chan hian a vanglai chuan ngaihzawng tam tak a lo nei thin a, Hong Kong film star lar tak Joan Lin nen an innei ta a, a nupui hian lemchan bansanin in lamah rawng a bawl ta a ni. Jackie Chan hmangaih ber chu China rama zai thiam Teresa Teng a ni thung. Jackie Chan hian hriauva inchiu hi a hlauh ber a ni ve tlat. He thu hi amah an biangbiaknaah a sawi chhuah a, inchiu-na hriau a taksaa an vit lut hi a hlau mai pawh ni lovin, a rapin a rap a ni, a ti. Jackie Chan movie-a a telna hmasa ber chu Seven Little Valiant Fighters, Big and Little Wong Tin Bar tia hriat lar bawk kha a ni a, kum 1962 khan tihchhuah a ni. A lemchan vanglai chuan zan khatah darkar 2 chauh a mu hman thin a ni. Jackie chan hi Hong Kongah Bruce Lee bodyguard a lo ni tawh thin a, ama insawi dan chuan pa tawptawm tak a ni a, a hun awlah hian a pindanah lehkhabu te a chhiar thin a, a thiante a be bawk a, a chang changin Table Tennis a khel thin a ni. Jackie Chan hming dik tak chu Chen Gangsheng a ni a, a chhungkaw hnam hming chu Fang a ni. Ama insawi dan chuan sum leh pai US dollar mtd 400 a ni. Fapa sual erawh a nei ve bawk niin a sawi.