Kan la hlawhtling lo

Ram leh hnam khawtlang thatna tur kan duh a, chumi tura hmalakna tur chuan hmachhawp pawh kan ram hian a nghah narawh e. A tak rama thleng ta erawh sawitur a tlemin tun dinhmunah chuan kan ram kaldan hi a la pi habeuh deuh tlat a, kan thiltihna reng rengah hian kan la arkhawthim dai mawp mawp zel bawk a, engpawhnise, hmasawnna tur atana kan beihnaah hian tun aia kan in san phek leh deuh chu a ngai a nih hi.

Ruahmanna fel leh \ha tak pawh neimah ila, chumi tihlawhtling tura theihtawp tak tak kan chhuah leh siloh chuan hlawhtlinna chu kan hmu mai thei lovang.

Hlawhchham hi hlawhtlinna bul tia thufingin a lo sawi ang hian hlawhtlinna chang tak tak tur chuan kan hlawhchham hmasak a tul changte a awm \hin a, a zawng zawngah kan hlawhchham hmasa vek dawn tihna erawh chu a ni hauh lo. Hlawhtling tur chuan hlawhchham huama kan beih fat fat a \ul tihna a ni mai zawk.

Kan thiltih laiah a hlawhtlinna rah duhawm a lo lang dawn chauh va, ngaihtuahna thar, rilru danglam kan put san leh \hin a, heivang hian kan ram hian hlawhtlinna a la hmu tak tak thei lo a ni.

Kan rama retheihna leh eirukna te umbo a nih a, mahni pumpui aia ram leh hnam khawtlang hmangaihna tak tak nena kan ram hruaitu leh sorkar officer ten an beih hunah chiah kan ram hian hlawhtlinna hmel a hmu ve ta kan ti thei chauh ang. Ram hruaitu leh sorkar officer zawng zawng an \halo kan tilo, Fel leh \ha, ram hmangaihtu thinlung pu tak tak tam tak an awm laiin fello leh mahni pumpuarna ngai pawimawh zawk kan la tam vang hian kan ram hian hlawhtlinna a la hmu lo mai mai a lawm.