Oil Palm tharchhhuah tam theihna tura hmalak dan turte an sawiho

Nimin chawhma khan Agriculture Minister Pu R.Lalzirliana hovin Mizoram Oil Palm Advisory Comtt. vawi 13-na Agriculture Deptt Comtt. Room-ah neih a ni. Meeting-ah hian kum 2016-2017 chhunga Oil Palm chinna hmun tihzauhna atana hmalaknate, Fresh Fruits Bunches (FFBs) leh Crude Palm Oil (CPO) tharchhuah chungchanga district hrang hrang dinhmunte, kum 2017-2018 chhunga oil palm chinna tur hmun tihpun zat tur leh kum 5 chhunga Oil Palm tharchhhuah tam theihna tura hmalak dan turte an sawiho. Mizoram Oil Palm Advisory Comtt. chuan Oil Palm chin kawngah company 3 Sawrkarin a thawhpui  techu Godrej Agrovet Pvt. Ltd, Ruchi Soya Industries Ltd leh 3F Oil Palm Agrotech Pvt. Ltd te an ni a, an hnathawh thlirletna leh an harsatna te sawihona an nei nghal a ni. Mizoram Sawrkarin Oil Palm chungchanga a hmalakna, Oil Palm Development Programme hi Public Private Partnership (PPP) mode a kalpui niin a tum berte chu: Kuthnathawktuten sumfai tam zawk an hai luhna tur atana hmalak, Ram leilung hlutna lo tla hniam leh chhe zel tur ven leh ram ngaw humhalh chunga eizawnna ngelnghet zawk siam, Kumtin tlangram lo neiha eizawnna bansan a, lo hmunnghet eizawnna tling siam, Oil Palm chingtuten kumtluana sumfai an hai luh theihna tur leh Mizoram ei leh bar leh sum dinhmunte Oil Palm chin hmanga siamthat a, ram leilung hman tangkaite a ni.