News tawi

• Nimin chawhma dar 11:00 khan D.C Confe. Hall, Mamit-ah India I-Day 2017 Mamit-a hman dan tur relin  Pu H. Lianzela, Addl DC Mamit kaihhruaiin an thutkhawm. India Independence Day 2017 pual hian Mamit khawpui chhunga kohhran hrang hrangte chu ram hruaitute tana tawngtai tura ngen nise an ti. I-Day 2017 lawmna pual hian Football, Volleyball leh Badminton Tournament te buatsaih nise tih a ni an ti.

• Nimin chawhma dar 11:30 khan Serchhip DC Meeting Room-ah Bawrhsap Pi Sangchhin Chinzah, MCS kaihhruaiin kumin Independence Day, lo awm tur lawm dan tur an rel. Chairman Pi Sangchhin Chinzah chuan, India ramin zalenna a hmuh champha lo thleng tur lawmnaah Serchhip a khuallian tur hi sawrkar thuchhuak ngaihchan mek anih thu a sawi. He ni pual hian Home hrang hrangah te bakah District Jail-ah te thilpek hlan an ni ang.

• Miharsa zualte hnena tanpuina turin Cricket Association of Mizoram ten Rs. 25,000/- (cheng sing hnih sangnga) Chief Minister’s Relief Fund ah an chhung lut.

• Mizoram Legislative Assembly hnuaia Committee peng pakhat, Subject Committee - I te chu an Chairman Pu P.C. Zoram Sangliana hovin vawiin chawhma dar 11:00 hian Mizoram Legislative Assembly Secretariat Main Building Committee Room-ah an thu khawm dawn.

• Champhai Dist. chhung, |iau Lui kama Sesih leh Leisenzo leilet, chhungkaw 15-te ta chu Tiau lui lianin a chim chhia. Kar kalta zirtawpnia ruahsur nasa vang khan Tiau lui a lian nasa hle a, Leisenzo leh Sesih khuate leilet hi siam chhunzawm tlak lohin a chim chhia a ni. Leilet neitute hian Buh an phun zo tawh a, leilette hi buh tin 200 atanga 300 thar theihna a ni hlawm a; leilet tam zawk chu Tiau lian hian a chim pil tawh a, tui hi a la len chhunzawm zel avangin a chim hmabak te pawh a chim chhunzawm zel rin a ni.

• Solar Power Project Approval Comtt. meeting P&E Deptt Secretary Pu H.Lalengmawia kaihhruaia neih chuan, Zoram Energy Development Agency (ZEDA) in MW 2 Solar Power Plant din a tumna leh P&E Deptt in Solar Park MW 20 din a tumna chu pawm a ni. He Project Approval Comtt. hi ‘Solar Power Policy of Mizoram-2017’ hnuaia din a ni. Solar Power Policy of Mizoram-2017 in Sawrkar office building zawng zawngah solar hman tur a tih avangin Comtt chuan a rang thei ang bera Deptt Head te koh khawma in hrilhhriatna neih ni se a ti.