tanpuina CYMA kutah pawl pa 3 in hlan

Tunhnai ruahsur nasa vanga chhiat tawkte \anpui nana Central YMAin vehbur a khawn mek tihlawhtlingin thawhtanni khan pawl pathumin Central YMA kutah \anpuina an hlan. |anpuina hlantute hi Mizoram Proffesional Footballer Assn., Young Paite Assn. Manipur leh Mandalay Mizo Welfare, Myanmar te an ni a. Mizoram Professional Footballer Assn. hian tun thla ni 6-a Lungleia Football Exhibition Match an huaihawt \uma an sum hmuh Cheng Nuai 1 Sing 1 Sang 8 leh 462 an chhunglut a; Young Paite Assn. Manipur hian Cheng Nuai 1 Sing 5 Sang 3 leh 120 bakah Buhfai Bag 183; Mandalay Mizo Welfare-in Cheng Sing 2 an chhunglut a ni. Chhiat tawkte puala CYMA-in \anpuina a khawn mekah hian YMA Branh 10-in an sum hmuh te an thehlut tawh a. Hemi bakah hian Chhandamna Kohhran National Hqrs.-in Cheng Sing 3; Punjab National Bank-in Cheng Sing 1, hming puanzar duh loin Cheng Sing 1 a thehlut a; sum hmuh tawh zawng zawng hi Cheng Nuai 4,08,370 a ni. Central YMA-in \anpuina a khawnte hi tun thla chhunga thehluh tur a ni a, \anpuina hi a la luh belh zel a ni.